Korporativ plastik kartalar korxonaning moddiy javobgar shaxslari nomiga ochiladi va yuridik shaxs hisobraqamiga biriktirib qo‘yiladi. To‘lov tizimi qoidalariga muvofiq korporativ kartada shaxs nomi ko‘rsatiladi, ya’ni bir jismoniy shaxs nomiga ochiladi. Yuridik shaxsning rezidentlik maqomi qanday bo‘lishidan qat’iy nazar, ushbu kartaning hisobi so‘mda bo‘ladi. Bu turdagi karta hisobiga ish haqi va unga tenglashtirilgan boshqa to‘lovlar o‘tkazilmaydi. Korporativ plastik kartadan naqd pul olib bo‘lmaydi.
Korporativ kartalardan quyidagi to‘lovlarni amalga oshirish mumkin:
- Xizmat safarlari bilan bog‘liq xarajatlar (chiptalarga buyurtma berish va sotib olish, mexmonxona to‘lovlari);
- Qo‘shimcha xarajatlar (matbuot nashrlariga obuna bo‘lish, turli adabiyotlar sotib olish);
- Xo‘jalik xarajatlari (korxonaning umumiy iste’moli va ehtiyojiga zarur mollar, kanselyariya mollari, yoqilg‘i va hk.);
- Tashkiliy maqomga ega bo‘lgan xarajatlar (sovg‘alar, restoranlar va hk.).