“Trastbank” xususiy aksiyadorlik bankida mijozlarga ko‘rsatilayotgan bank xizmatlari sifatini yaxshilash, aholi va tadbirkorlik sub’ektlarining bank faoliyatidan qoniqish darajasi hamda xodimlarning kasbiy malaka mahoratlarini oshirish maqsadida tashqi marketing kompaniyasi tomonidan “Sirli mijoz” usulida baholash yo‘lga qo‘yilgan.
Bankning Amaliyot boshqarmasi va barcha filiallari xodimlari uchun “Sirli mijoz” usuli yordamida tashqi marketing kompaniyasi tomonidan mijozlarga xizmat ko‘rsatish sifatini baholash bo‘yicha o‘tkazilgan o‘rganish natijalari yuzasidan Filiallar faoliyatini muvofiqlashtirish departamenti direktori va tashqi marketing kompaniyasi rahbari ishtirokida joriy yilning 10 oktabridan boshlab 9 noyabriga qadar masofaviy videokonferensiyalar tashkil etildi.
Videokonferensiyada Filiallar faoliyatini muvofiqlashtirish departamenti direktori Oybek Do‘stmuhamedov va tashqi marketing kompaniyasi rahbari Shuhrat Zokirov mijozlarga xizmat ko‘rsatish jarayonida xodimlarning professionalligi va tezkorligi, ularning aholi va bank mijozlari bilan muomala qilish etiketi darajasi borasida yo‘l qo‘ygan xato va kamchiliklari tahlili, shuningdek xizmat ko‘rsatish shart-sharoitlarini yanada yaxshilash bo‘yicha tegishli ko‘rsatmalar berdi.