“Trastbank” xususiy aksiyadorlik banki bank mijozlarining sanitariya-epidemiologik osoyishtaligi va xavfsizligini ta’minlash, shuningdek yurtimizda koronavirus infeksiyasi (COVID-19) tarqalishining oldini olish hamda 25 martdan kuchaytirilgan tartib joriy etilishi munosabati bilan jismoniy va yuridik shaxslarning murojaatlarini qog‘oz shaklda qabul qilishni vaqtincha to‘xtatadi hamda murojaatlarni elektron shaklda info@trustbank.uz elektron pochtasiga va Boshqaruv Raisi virtual qabulxonasiga yuborishlarini so‘raydi.
Murojaatlar va arizalar bo‘yicha savollar yuzasidan bankning «Ishonch telefoni» (+998 71 244-25-73) orqali bog‘lanishingiz, shuningdek, o‘zingizni qiziqtirgan boshqa savollar yuzasidan bankning rasmiy Telegram messendjeridagi Teskari aloqa @trustbankhelp_bot xizmatidan foydalanishingiz mumkin.
Trastbank yuzaga kelgan sanitariya-epidemiologik vaziyatni to‘g‘ri qabul qilishingizni hamda vaziyatga mas’uliyat bilan yondashishingizni so‘rab qoladi!