Hayotimiz quvonchi va ertasi bo‘lgan jajji bolajonlarga ko‘proq mehr va e’tibor berish, barkamol shaxs etib tarbiyalash har birimizning burchimizdir. O‘g‘il-qizlarimiz istiqbolda yurtimiz ravnaqi yo‘lida hissa qo‘shadigan yetuk shaxs bo‘lib voyaga yetishi uchun bolaligidanoq ta’lim-tarbiya olishiga alohida e’tibor qaratishimiz zarur.
1-iyun – Xalqaro bolalarni himoya qilish kuni munosabati bilan “Trastbank” xususiy aksiyadorlik banki tizimida faoliyat yuritayotgan xodimlar farzandlariga esdalik sovg‘alari va kitoblar jamlanmasi topshirildi. Ushbu tuhfa bolalarga ulkan zavq bag‘ishladi. Boisi, sevimli ertaklarini mutolaa qilishlari, rangli tasvirlarni chizishlari, aqlni charxlovchi boshqotirmalarni bajarishlari mumkin.
Shu o‘rinda, bolajonlarni bayram bilan tabriklaymiz. Ularning koʻzlari baxt va quvonchdan porlab tursin. Har bir kuni quvonch va shodlikka toʻla boʻlsin.
