Joriy yilning 13-23-oktabr kunlari Buyuk Britaniyaning London shahrida UDEA va ICA hamkorligidagi “Moliyaviy sanksiyalar, moliyaviy jinoyatlarning oldini olish va mijozlar bilan ishlash” bo‘yicha professional o‘quv kurslari tashkil etildi.
Unda “Trastbank” xususiy aksiyadorlik banki Komplaens-nazorat departamenti direktori B.Qambarov boshchiligida moliya muassasasining bir guruh xodimlari ham ishtirok etdi. Kurs davomida “Credit Suisse”, “Barclays”, “HSBC Bank USA” kabi moliyaviy tashkilotlarning real keyslari haqida batafsil ma’lumot berildi.
Shuningdek, ishtirokchilar London shahridagi “Bloomberg L.P.” ofisiga tashrif buyurish va “Sanksiya ma’lumotlari bilan ishlash” mavzusidagi workshop'da ishtirok etish imkoniga ham ega bo‘lishdi.
