“Trastbank” XAB qoshida tashkil etilgan “Trast Muamalat” MCHJ tovar belgisi va imijini shakllantirish (logotipini yaratish) bo‘yicha tanlov o‘tkazilishini ma’lum qilamiz.
“Trast Muamalat” MCHJ yurtimizda yangi va muqobil turdagi moliyaviy xizmatlarni ko‘rsatib, lizing va ijara xizmatlarini islom standartlariga muvofiqlashtirgan holda amaldagi qonunchilikka asosan faoliyat yuritadi.
Tanlovda ishtirok etuvchilar mazkur “Trast Muamalat” MCHJ logotipining o‘ziga xos versiyasini ishlab chiqish va g‘oyasini ta’riflashi zarur. Bunda yechimning ifodaliligi, mavzuni ochib berish chuqurligi, ijodiy yondashuv, o‘ziga xoslik, logotip ko‘rinishining kreativliligi va yangiligi boshqa mavjud logotip yoki tovar belgisi bo‘lmasligiga e’tibor qaratish kerak.
Tanlov yuzasidan materiallar joriy yilning 15 dekabr kuniga qadar qabul qilinadi.
Tanlov g‘olibi 15 000 000 so‘m pul mukofoti bilan taqdirlanadi.
Materiallar “Trastbank” XAB bosh ofisi Toshkent shahri Shayxontohur tumani, “Navoiy” ko‘chasi 7-uyga yoki info@trustbank.uz elektron pochtaga “Trast Muamalat” MCHJ tovar belgisi va imijini shakllantirish bo‘yicha tanlov”ga deb yuboriladi.
Ma’lumot uchun telefon: 1287