Kuni kecha “Trastbank” xususiy aksiyadorlik banki Andijon va Namangan filiallarida “Ish boshi tartib va intizomi” tamoyili asosida davra suhbatlari tashkil etildi.
Unda Bank apparati direktori S.Bekchanov tomonidan bank tizimida ijro intizomi masalasida yo‘l qo‘yilayotgan xato va kamchiliklarni bartaraf etish borasida ma’lumot va ko‘rsatmalar berildi. Qolaversa, kelgusidagi faoliyat davomida mazkur masalaga ustuvor ahamiyat qaratish zarurligi, zotan, ijro intizomini ta’minlash bu samarali faoliyat uchun muhim qadam ekanligi ta’kidlandi.
Shuningdek, davra suhbatida “Davlat tili haqida”gi O‘zbekiston Respublikasi Qonuni, Vazirlar Mahkamasining “Ijro intizomini mustahkamlash chora-tadbirlari to‘g‘risida”gi qarori hamda “Trastbank” xususiy aksiyadorlik bankining “Trastbank” xususiy aksiyadorlik banki tizimida hujjatlar bilan ish yuritish va ular ijrosini nazorat qilish to‘g‘risida”gi qarori mazmun-mohiyatiga to‘xtalib o‘tildi.