“Trastbank” xususiy aksiyadorlik banki mijozlarga xizmat koʻrsatish sifatini yanada oshirish maqsadida bir qator ishlarni amalga oshirib kelmoqda. Jumladan, 2019-yilda “Mijozlarga xizmat koʻrsatish standartlari” tasdiqlanib, har chorakda “Sirli mijoz” usuli asosida barcha filiallar, Bank xizmatlari markazlari va Valyuta ayirboshlash shoxobchalarida mijozlarga xizmat koʻrsatish standartlariga rioya etilishi oʻrganib borilishi yoʻlga qoʻyildi. Qolaversa, “Mijozlarga xizmat koʻrsatish standartlari” asosida barcha bank mahsulotlari va xizmatlari boʻyicha “Sotuv kitoblari” (Sales book) nashr etildi.
Kuni kecha “Trastbank” XAB Buxoro filiali xodimlari uchun mijozlarga xizmat koʻrsatish standartlariga oʻqitish boʻyicha amaliy trening oʻtkazildi. Unda “Mijozlarga xizmat koʻrsatish standartlari” mavzusida taqdimotlar qilindi.
Bundan tashqari, filial xodimlari mijozlarga xizmat koʻrsatish standartlari boʻyicha nazariy bilim va amaliy qoʻnikmalarga ega boʻlishdi hamda oʻzlarining qiziqtirgan barcha savollariga atroflicha javob olishdi.
Shu oʻrinda taʼkidlash joizki, Bank filiallarida mijozlarga koʻrsatilayotgan xizmatlar sifatining doimiy ravishda oshirib borilishi, ularning samarali faoliyatida muhim ahamiyat kasb etadi.