“Trastbank” XAB O‘zbekiston Respublikasi tijorat banklari tomonidan emissiya qilingan bank plastik kartalari (Uzcard, Humo) egalari uchun “Trastbank” bankomatlaridan foydalaning va sovg‘aga ega bo‘ling” aksiyasini eʼlon qilgandi.
Aksiya joriy yilning 1-dekabridan 2022-yilning 15-fevraliga qadar, uch bosqichda o‘tkaziladi. Uning ishtirokchisiga aylanish uchun “Trastbank” bankomatlarining biridan kamida 500 000 so‘m va undan ko‘p miqdorda naqd pul yechib olish kerak. Sovrin egalari tranzaksiyalar orasidan tasodifiy tarzda aniqlanadi.
Aksiyada 3 donadan “Samsung” 32 dyumli televizori, “Samsung TAB A7” plansheti va “Samsung A22” mobil telefoni yutuqqa qo‘yilgan.
21-dekabr kuni Aksiyaning birinchi bosqichi bo‘lib o‘tdi. Unda joriy yil 1–15-dekabr kunlari amalga oshirilgan tranzaksiyalar qatnashdi. Sovrin egalari ushbu tranzaksiyalar orasidan tasodifiy tarzda aniqlandi va 3 nafar yurtdoshimiz g‘olib deb topilib, sovg‘alarni qo‘lga kiritdi.
