Xabar berib borayotganimizdek, shu kunlarda hududlarda O‘zbekiston Respublikasi Tovar-xom ashyo birjasi savdolari ishtirokchilari va brokerlarni “Trastbank” tomonidan taqdim etilayotgan bank xizmatlari va mahsulotlari haqida muntazam ravishda xabardor qilish maqsadida amaliy seminarlar o‘tkazib kelinmoqda.
Ana shunday seminarlar Buxoro va Navoiy shaharlarida davom etdi.
Unda Birja savdolari ishtirokchilari va brokerlari, O‘zbekiston Respublikasi Tovar-xom ashyo birjasi mutasaddilari, “Trastbank” xususiy aksiyadorlik banki mas’ullari ishtirok etdi.
Birja savdolarida amalga oshiriladigan hisob-kitob operatsiyalarining samaradorligi va qulayligini oshirishga qaratilgan yangi xizmatlardan foydalanish haqida so‘z yuritildi.
Bundan tashqari, UzEx tarif rejalari, avtokreditlar hamda chakana savdo mahsulotlari haqida batafsil ma’lumotlar berildi.
Seminarda yig‘ilganlar olingan ma’lumotlarning foydali va ahamiyatli ekanligini ta’kidladilar.