Xabaringiz bor, O‘zbekiston Respublikasi Prezidentining 2024-yil 21-fevraldagi “O‘zbekiston – 2030 strategiyasini “Yoshlar va biznesni qo‘llab-quvvatlash yili”da amalga oshirishga oid davlat dasturi to‘g‘risida”gi Farmoniga muvofiq joriy yil mart oyidan boshlab har oyning to‘rtinchi chorshanbasi mamlakatimiz bo‘ylab “Avtomobilsiz kun” loyihasi o‘tkazib kelinmoqda.
“Trastbank” xususiy aksiyadorlik banki jamoasi ham mazkur loyihada faol ishtirok etib, Ona tabiat sofligiga o‘z hissalarini qo‘shmoqda. Xususan, bugun erta tongdan Bank rahbariyati, Bosh ofis mutasaddilari, hududlardagi BXO boshqaruvchilari va xodimlari ishga jamoat transportida kelishdi. Ularda ushbu loyihaga nisbatan ishtiyoq kuchli ekanligini va yaxshi kayfiyat hamroh bo‘lganligini sezish mumkin.
Shu o‘rinda, barchangizni “Avtomobilsiz kun”ga befarq bo‘lmaslikka va ushbu loyiha ishtirokchilari safida bo‘lishga chorlab qolamiz!
Manba:
ko'rsatilmagan
/
Ko'rishlar:
429
