“Trastbank” xususiy aksiyadorlik banki o‘z faoliyatida ommaviy axborot vositalari vakillari va blogerlar bilan yaqin hamkorlikni yo‘lga qo‘ygan bo‘lib, ochiqlik va shaffoflikni ta’minlash borasida bir qator e’tiborga molik ishlarni amalga oshirmoqda.
Bank mutasaddilarining ommaviy axborot vositalarida chiqish qilishi, ijtimoiy tarmoqlardagi murojaatlarga o‘z vaqtida javob berishi, jamoatchilik bilan to‘g‘ri aloqa yo‘lga qo‘yilgani shular jumlasidandir.
Bugun 27-iyun Matbuot va ommaviy axborot vositalari xodimlari kuni munosabati bilan “Trastbank” xususiy aksiyadorlik banki bir qator tahririyatlarda bo‘lib, jurnalist va blogerlarni bayram bilan tabrikladi.
Moliya muassasi bilan faol hamkorlikda ishlab kelayotgan soha xodimlariga tashakkurnoma, qimmatbaho esdalik sovg‘alari topshirildi.
Shu o‘rinda, Siz, sadoqatli va zahmatkash ommaviy axborot vositalari vakillariga mustahkam sog‘lik, oilaviy xotirjamlik, mashaqqatli mehnat yo‘llarida muvaffaqiyatlar tilaymiz.
Bayramingiz muborak, aziz jurnalistlar!