Ma’lumki, “Trastbank” xususiy aksiyadorlik banki sog‘lom turmush tarzini targ‘ib qilish, sportni qo‘llab-quvvatlash va uni yanada rivojlantirishga munosib hissa qo‘shib kelmoqda. Shu o‘rinda, “Trastbank” XAB “Olimpik” futbol klubiga homiylik qiladi.
Kecha poytaxtimizda Superliganing 15-turi doirasida “Olimpik” – “Qo‘qon-1912” jamoalarining uchrashuvi bo‘lib o‘tdi. Shiddatli kechgan o‘yinda “Olimpik” safidagi Otabek Jo‘raqo‘ziyev tomonidan Qo‘qon-1912” darvozasiga gol kiritilib, hisob 1:1 natija bilan qayd etildi.
Yuqori natijalarni ko‘rsatib kelayotgan “Olimpik” jamoasiga muvaffaqiyat tilaymiz. Mazkur klubning yigitlari o‘zbek futbolida yangi sahifa ochib, shonli tarix yozishiga ishonch bildiramiz!
