Joriy yilning may oyida Belgiya davlatining Waterloo shahrida “MasterCard Academy Europe” tomonidan MasterCardning mijoz tashkilotlari delegatlari uchun o‘quv seminari o‘tkazildi. Mazkur seminarda dunyoning turli banklari hamda moliya tashkilotlari xodimlari ishtirok etdi.
Jumladan, “Trastbank” xususiy aksiyadorlik bankining Plastik kartalar departamenti direktori o‘rinbosari Shuhratbek Ibragimov hamda Xalqaro to‘lov tizimlari bo‘limi boshlig‘i Aziz Pulatov ham ushbu seminarda qatnashib, o‘z sohasiga doir bilimlarini mustahkamdilar.
Tadbir ishtirokchilari “MasterСard” to‘lov yechimlari va jarayonlari haqida qimmatli ma’lumotlarga ega bo‘lib, ularning afzalliklarini maksimal darajaga oshirish strategiyalarini o‘zlashtirdilar. Bundan tashqari, ishtirokchilarga to‘lovlar dunyosidagi so'nggi tendensiyalar haqida ham ma’lumotlar berildi.
Uchrashuv so‘ngida “Trastbank” xususiy aksiyadorlik banki rahbariyati tomonidan maxsus “MasterCard Academy Europe” tashkiloti rahbariyatiga esdalik sovg‘asi topshirildi.
