“Trastbank” xususiy aksiyadorlik banki tomonidan jamoada sog‘lom turmush tarzini shakllantirish va bank xodimlarining sportga bo‘lgan qiziqishini yanada oshirish hamda bu borada qobiliyatlarini namoyon etish masalalariga ustuvor ahamiyat qaratib kelinmoqda. Xususan, “Trastbank” XAB tizimida “Spartakiada” sport musobaqalarini o‘tkazish an’anaga aylangan bo‘lib, joriy yilning 17-18-avgust kunlari moliya muassasasi xodimlari o‘rtasida “Spartakiada – 2024” o‘yinlarini o‘tkazish rejalashtirilgan.
Bugun mazkur sport musobaqalarini o‘tkazish maqsadida tuzilgan Tashkiliy qo‘mitaning yig‘ilishi bo‘lib o‘tdi. Unda ushbu sport tadbirlarini yuqori saviyada tashkil etish, jamoa a’zolarining tayyorgarligini oshirish kabi masalalar muhokama qilindi.
Bundan tashqari, sport o‘yinlarida ishtirok etuvchi guruhlarni shakllantirish maqsadida qur’a tashlash marosimi ham bo‘lib o‘tdi. Tashkiliy qo‘mita a’zolari, O‘zbekiston Futbol Asssotsiatsiyasi mas’ul xodimi Shuhrat Po‘latov ishtirokida bu jarayon shaffof tarzda o‘tkazildi.
Ma’lumot uchun, guruhlar mini futbol, stol tennisi, basketbol, voleybol va shaxmat sport turlari bo‘yicha o‘zaro kuch sinashadi.
Manba:
ko'rsatilmagan
/
Ko'rishlar:
189
