Kuni kecha poytaxtimizda “Stars International Universitety” tomonidan “Yangi O‘zbekiston: moliyaviy hisobotning xalqaro standartlarini joriy etishda xalqaro muvaffaqiyatli tajriba” mavzusida xalqaro anjuman o‘tkazildi.
300 nafardan ortiq professor-o‘qituvchilarni qamrab olgan mazkur anjumanda “Trastbank” xususiy aksiyadorlik banki Moliyaviy hisobotlarning xalqaro standartlarini tatbiq etish boshqarmasi boshlig‘i Saidmuxtor Fayzullayev spiker sifatida qatnashdi. U o‘z nutqida moliyaviy hisobotlarning xalqaro standartlarini tatbiq etish amaliyotiga urg‘u berdi.
Bundan tashqari, anjuman doirasida ekpert guruhi tomonidan 600 dan ortiq ilmiy maqolalar qabul qilindi. Shuningdek, intellektual munozaralar o‘tkazildi.