Bank reytinglari
“Standard & Poor’s Global Ratings” xalqaro reyting agentligi “Trastbank” xususiy aksiyadorlik bankining kredit reytingini “В+/В” darajasida tasdiqladi
2025-yilning 28-oktyabr kuni «Standard & Poor’s Global Ratings» reyting agentligi “Trastbank” xususiy aksiyadorlik bankiga o‘zining uzoq va qisqa muddatli kredit reytingini “Barqaror” prognozi bilan “В+/В” darajasida tasdiqladi.
«Standard & Poor’s Global Ratings» agentligining reyting tizimiga ko‘ra, “В+/В” reytingi “Trastbank” XABning O‘zbekiston Respublikasi bank xizmatlari bozorida mustaxkam o‘ringa egaligini bildiradi. O‘zbekiston bank sektorining o‘rtacha ko‘rsatkichlariga qaraganda, “Trastbank” XAB yuqoriroq daromadlilikni namoyish etdi: 2025 yilning birinchi yarmida o‘rtacha aktivlarning daromadliligi 6,6 %ga yetdi. Kredit tavakkalchiligining oshishiga qaramay, bank yuqori rentabellikni saqlab qolmoqda.
“Barqaror” prognozi “Trastbank” XABning yuqori kapital zaxiralari va foyda yaratishning yuqori qobliyatliligi uning kredit xususiyatlarini qo‘llab-quvvatlashini aks ettiradi. Bundan tashqari, bank qisqa muddatli majburiyatlarini qoplash uchun yetarli bo‘lgan barqaror likvidlik ko‘rsatkichlarini saqlab qolmoqda.
