Размер шрифта: A A
Цвет сайта: A A A A
Mobil talqin
1287, +998 78 140-00-88
Ishonch telefoni
+998 71 207-36-45
Ish tartibi: DU-JU 09:00-18:00
Call center
1287,
+998 78 140-00-88
Ish tartibi: DU-JU 09:00-18:00
Aktsiyadorlarga tezkor bog'lanish
+998 78 140-00-88
Ish tartibi: DU-JU 09:00-18:00
Saytga kirish

Biznes reja

Yangilangan sana: 9 Mart 2022, 17:19

Biznes-rejaga muvofiq 2022-yilda rivojlanishning asosiy yo‘nalishlari

(Bank Kengashi tomonidan 2021-yil 29-noyabrda tasdiqlangan)

“Trastbank” xususiy aksiyadorlik banki respublikaning rivojlangan banklaridan biri sifatida bank xizmatlari va moliya bozorida o‘z mavqeini mustahkamlash uchun mutlaq va nisbiy moliyaviy ko‘rsatkichlarini yetarli darajaga ko‘tarilishini taminlash niyatida.

Strategik rivojlanishning maqsadlari:

·         daromadni oshirish va xarajatlarni kamaytirish orqali faoliyat samaradorligini oshirgan holda foydani ko‘paytirish;

·         bankning kapitallashuv darajasini oshirish, kapitalining yetarliligi, likvidliligi va barqarorligini moliyaviy-iqtisodiy ko‘rsatkichlarini xalqaro bankchilik tamoyillari talablari doirasida mustahkamlash;

·         faoliyatning barcha sohalarida yuridik va jismoniy shaxslarning mijozlar bazasini sifat va miqdor jihatidan kengaytirish, yirik omonatchilarga boglanib qolish xavfini pasaytirish;

·         Uzoq muddatli resurs bazasini oshirish, yuridik va jismoniy shaxslarning mablag‘larini faol jalb qilish;

·         aktivlar sifatini yaxshilash, qisqa muddatli kreditlar berish amaliyotini kengaytirish, muammoli kreditlarning so‘ndirilishi bo‘yicha tizimli ishlarni amalga oshirish, asosiy qarz va foizlar bo‘yicha muddati o‘tgan qarzdorliklarning kelgusida yuzaga kelmasligining oldini olish choralarini ko‘rish;

·         Kredit berish jarayonini soddalashtirish, qarz oluvchilarning to‘lov qobiliyatini tahlil qilish va baxolashni optimallashtirish, kredit portfelini diversifikatsiya qilish;

·   masofaviy bank xizmatlari soni va qamrovini ko‘paytirish, shu jumladan kontaksiz to‘lovlar, avtomatlashtirilgan tizimining keng qo‘llanilishi, raqamli identifikatsiya va kredit konveyeri, bank sohasida yangi konsepsiyalar va texnologiyalarni joriy etish (marketpleys, ovozli texnologiyalar)

·         Bank tavakkalchiliklarini boshqarish tizimini rivojlantirish, Bank Kengashi huzuridagi xatarlarni nazorat qilish qo‘mitasi ishini kuchaytirish, bank tavakkalchiliklarini boshqarish departamentining mustaqilligini taminlash, rivojlanishning turli ssenariylaridan foydalangan holda stress-test rolini oshirish, kredit byurolari bilan ishlashni optimallashtirish;

·         Xorijiy kredit liniyalarini o‘zlashtirish va joriy Xususiy sektorni rivojlantirish Islom korporatsiyasi (Saudiya Arabistoni), Savdoni moliyalashtirish Islom korporatsiyasi (Saudiya Arabistoni), «Raiffeisen Bank International» (Avstriya), va Xalqaro Iqtisodiy Hamkorlik Banki (XIHB, Rossiya) kredit liniyalari bo‘yicha mavjud loyihalarni monitoringini olib borish;

·         transchegaraviy pul o‘tkazmalarini joriy qilish;

·         filiallar va bank xizmatlari markazlarining mintaqaviy tarmog‘ini rivojlantirish, yangi filiallarni ochish;

·         Xalqaro standartlar asosida korporativ boshqaruv tartibini ishlab chiqish;

·         9-sonli Xalqaro moliyaviy hisobot standartiga muvofiq moliyaviy aktivlarni tasniflash va baholashga qo‘yiladigan yangi talablarni hisobga olgan holda moliyaviy hisobotlarni tayyorlash sifatini yaxshilash;

·         ISO 9001: 2015 sifat menejmenti tizimining muvofiq standartlariga rioya qilish, shuningdek ISO 37001:2016 korrupsiyaga qarshi kurash standartlariga ham;

·         Xodimlar bilan ishlash usullarini takomillashtirish, xodimlar va aholining moliyaviy savodxonligini oshirish, «O‘quv markazi» ning samarali ishlashini taminlash;

·         bank xodimlari va tarkibiy bo‘linmalari uchun (KPI) asosiy ko‘rsatkichlar tizimini ishlab chiqish va joriy etish.

    

2021-yil uchun biznes reja
Hajmi: 121.58 КБ
Format: pdf
   

 
Belgilangan matnni tinglash uchun quyidagi tugmani bosing Powered by GSpeech