Elektron hujjatlar aylanmasi dasturiy ta’minotini amaliyotga tatbiq etish va integratsiya qilish bo‘yicha o‘quv seminari o‘tkazildi

Joriy yilning 7-8-iyul kunlari “Trastbank” xususiy aksiyadorlik bankida hududlardagi Bank xizmatlari ofislari Ijro nazorati va hujjatlar bilan ishlash masalalari, bank xizmatlari iste’molchilarining huquqlarini himoya qilish hamda xodimlar bilan ishlash bo‘yicha mas’ullar uchun o‘quv seminari o‘tkazildi.
Unda “Micros integrator” mas’uliyati cheklangan jamiyatining malakali xodimlari tomonidan “Directum RX” avtomatlashgan elektron hujjatlar aylanmasi dasturiy ta’minotni Bank xizmatlari ofislarida yo‘lga qo‘yish va integratsiya qilish borasida taqdimotlar qilindi.
Bundan tashqari, Bank apparati direktori S.Bekchanov ushbu tizimning ish ko‘lami va samaradorligiga ta’siri xususida to‘xtalib, o‘quv seminar har bir xodimning bu boradagi ko‘nikmalarini boyitishiga zamin yaratishini ta’kidladi. Shuningdek, seminarda ishtirokchilar o‘zlarini qiziqtirgan savollarga mutaxassislardan atroflicha javob olishdi.