Kuni kecha “Qitmir muxbir” telegram kanalida tadbirkorning bankdagi qarzdorligi sabab sud qarorida nazarda tutilgan maydondagina emas, uning faoliyatiga taalluqli umumiy binoni bo‘shatish bo‘yicha ishlar amalga oshirilgan, tadbirkorning mol-mulki ko‘chaga qoldirilgan, degan mazmunda material e’lon qilingan edi.
“Trastbank” xususiy aksiyadorlik banki mazkur xabar haqiqatan yiroq ekanligini hamda Qarshi tumanlararo iqtisodiy sudining 2026-yil 9-fevraldagi hal qiluv qarori ijrosi yuzasidan Majburiy ijro byurosi Qarshi shahar bo‘limi tomonidan ishlar amalga oshirilganligini ma’lum qiladi.
Shuningdek, tegishli barcha mol-mulklar shikastsiz va soz holatda o‘z egalariga topshirilganligini hamda ularning alohida joyda saqlanishi ta’minlanganligi bildiradi.
