“Trastbank” xususiy aksiyadorlik bankida mijozlarga xizmat ko‘rsatish sifatini yanada yaxshilash, xizmat ko‘rsatish standartlariga qatʼiy rioya etilishini taʼminlash hamda mijozlar bilan munosabatlarda professional yondashuvni mustahkamlash maqsadida tizimli chora-tadbirlar amalga oshirilmoqda. Jumladan, bank xizmatlari ofislari xodimlari faoliyati “sirli mijoz” nazorat tadbirlari asosida muntazam ravishda baholanib, xizmat ko‘rsatish jarayoni Tashqi marketing kompaniyasi tomonidan xolis baholanmoqda. Ushbu yondashuv orqali aniqlangan kamchiliklar bartaraf etilib, xizmat sifati takomillashtirib borilmoqda.
Yaqinda “Andijon”, “Namangan”, “Farg‘ona”, “Termiz” va “Qarshi” bank xizmatlari ofislarida “sirli mijoz” usuli asosida o‘tkazilgan navbatdagi nazorat tadbirlari natijalari yuzasidan amaliy seminar tashkil etildi. Seminar davomida “Trastbank” XAB Bank bo‘linmalari faoliyatini muvofiqlashtirish departamenti bo‘lim boshlig‘i D.Suyarova tomonidan o‘rganishlar natijalari bo‘yicha atroflicha taqdimot qilindi.
Unda xizmat jarayonida aniqlangan holatlar batafsil muhokama qilinib, xodimlarga aniq tavsiya va ko‘rsatmalar berildi.
Shuningdek, baholash anketalari har bir xodim kesimida tahlil etilib, ushbu yo‘nalishdagi savollarga javoblar berildi.
