“Trastbank” xususiy aksiyadorlik banki va Toshkent davlat iqtidosiyot universiteti o‘rtasida hamkorlik Memorandumi imzolangan bo‘lib, moliya muassasasida talabalarning amaliyot o‘tashi, sifatli bilim olishi hamda malakasini oshirishi uchun barcha shart-sharoitlar yaratib kelinmoqda.
Bugun, 9-iyun kuni “Trastbank” XABda TDIU “Xalqaro valyuta-kredit munosabatlari” taʼlim yo‘nalishi talabalarining bitiruv malakaviy ishi himoyasi bo‘lib o‘tdi. Unda moliya muassasasi mutasaddilari, oliy o‘quv yurti professor-o‘qituvchilari hamda talabalar ishtirok etishdi.
Talaba-yoshlar belgilangan tartib asosida bitiruv malakaviy ishlarini muvaffaqiyatli himoya qilib, izlanish olib borgan mavzulari bo‘yicha amaliyotda uchraydigan muammolar yechimi yuzasidan o‘z takliflarini ilgari surishdi.
Komissiya aʼzolari bitiruvchi talabalarning istiqboldagi ish faoliyatida omad va zafarlar tilashdi. Shuningdek, oliy o‘quv yurtida olingan bilimlarni amaliyotda qo‘llab, yetuk mutaxassis sifatida Ona Vatanga xizmat qilish zarurligini ta’kidlashdi.
Manba:
ko'rsatilmagan
/
Ko'rishlar:
0
