“Trastbank” xususiy aksiyadorlik bankida xodimlar o‘rtasida sog‘lom turmush tarzini yanada ommalashtirish maqsadida turli sport musobaqalari o‘tkazib kelinadi. An’anaviy tarzda tashkil etiladigan “Spartakiada” bellashuvlari chinakam ma’noda sport bayramiga aylanadi.
“Spartakiada – 2025” sport musobaqalari joriy yil 16–17 va 23-avgust kunlari Toshkent shahrida bo‘lib o‘tadi. Unda Bosh ofis, hududlardagi Bank xizmatlari ofislarining jamoalari sportning mini futbol, stol tennisi, basketbol, voleybol, shaxmat, suzish, yengil atletika turlari bo‘yicha o‘zaro bellashishadi.
Ushbu sport musobaqalarini o‘tkazish maqsadida tuzilgan Tashkiliy qo‘mitaning yig‘ilishi bo‘lib o‘tdi. Unda tadbirlarni yuqori saviyada tashkil etish, jamoa a’zolarining tayyorgarligini oshirish kabi masalalar ko‘rib chiqildi.
Bundan tashqari, sport o‘yinlarida ishtirok etuvchi guruhlarni shakllantirish maqsadida qur’a tashlash marosimi ham bo‘lib o‘tdi. Tashkiliy qo‘mita a’zolari va O‘zbekiston Futbol Asssotsiatsiyasi mas’ul xodimi Shuhrat Po‘latov ishtirokida bu jarayon shaffof tarzda o‘tkazildi.
Shu o‘rinda, “Spartakiada – 2025” sport musobaqalarida ishtirok etuvchi jamoalar a’zolariga muvaffaqiyatlar tilab qolamiz.
