2025-yil 21-fevral kuni “Trastbank” xususiy aksiyadorlik banki Bosh ofisida aksiyadorlarning navbatdan tashqari umumiy yig‘ilishi bo‘lib o‘tdi. Uni “Trastbank” XAB Kuzatuv Kengashi Raisi Tohir Sharipov olib bordi.
Yig‘ilishda kun tartibidagi 4 ta masala ko‘rib chiqildi. Xususan, e’lon qilingan aksiyalarning cheklangan miqdorini aniqlash, Bank Ustaviga o‘zgartirish kiritish, o‘tgan yillarning taqsimlanmagan foydasini taqsimlash hamda umumiy maqsadlarga zaxira fondini shakllantirish to‘g‘risidagi masalalar muhokama markazida bo‘ldi.
Bundan tashqari, 2024-yilda amalga oshirilgan ishlar, erishilgan muvaffaqiyatlar xususida to‘xtalib o‘tildi. Shuningdek, joriy yildagi vazifalarga urg‘u berildi. Jumladan, mijozlar uchun yangi bank xizmatlarini joriy etish, bu borada xodimlarning malaka va mas’uliyatini yanada oshirish, moliyaviy ko‘rsatkich va reytinglarni yaxshilash, xizmat ko‘rsatish sifatini yangi bosqichga olib chiqishga doir Bank Boshqaruviga ko‘rsatmalar berildi.
Yig‘ilishda muhokama qilingan masalalar yuzasidan tegishli qarorlar qabul qilindi.
