“Trastbank” xususiy aksiyadorlik banki “Darxon” bank xizmatlari ofisida O‘zbekiston Respublika Tovar-xom ashyo birjasi savdolari ishtirokchilari bilan uchrashuv o‘tkazildi. Unda “Trastbank” Bosh ofisi mutasaddilari, “Darxon” BXO mas’ullari, O‘zbekiston Respublika Tovar-xom ashyo birjasi Toshkent filiali boshqaruvchisi va brokerlar ishtirok etdi.
Uchrashuvda “Trastbank”da O‘zbekiston Respublika Tovar-xom ashyosi birja savdosi ishtirokchilari bo‘lgan tadbirkorlar hamda brokerlar uchun ishlab chiqilgan bank mahsulotlari va xizmatlari haqida ma’lumot berildi. Bundan tashqari, korxona va tashkilotlarning Birja savdolari bo‘yicha amalga oshiriladigan hisob-kitob operatsiyalari operativligi va qulaylikligini oshirish bo‘yicha ishlab chiqilgan xizmatlar yuzasidan tushunchalar berildi.
Qolaversa, qulay shartlarda ishlab chiqilgan milliy va xorijiy valyutadagi “UzEx” tarif rejalari, biznes va chakana kredit mahsulotlari hamda Birja hisobvaraqlariga pul o‘tkazmalarini amalga oshirishga doir yaratilgan qulayliklar to‘g‘risida so‘z yuritildi.
Shuningdek, “Trastbank” masʼullari tomonidan ishtirokchilarning savollariga atroflicha javob berildi.
Manba:
ko'rsatilmagan
/
Ko'rishlar:
112
