“Trastbank” xususiy aksiyadorlik banki tizimida xodimlarning o‘rnatilgan standartlar asosida xizmat ko‘rsatishi “Sirli mijoz” usuli asosida muntazam ravishda o‘rganib boriladi.
Kuni kecha “Darxon”, “Yakkasaroy” va “Bektemir” bank xizmatlari ofisi xodimlari uchun mazkur o‘rganish natijalariga doir navbatdagi seminar tashkil etildi. “Trastbank” XAB Bank bo‘linmalari faoliyatini muvofiqlashtirish departamenti mutasaddilari hamda Tashqi marketing kompaniyasi mas’ullari tomonidan amaliy tushunchalar berildi.
Jumladan, “Sirli mijoz” usuli asosida o‘tkazilgan nazorat tadbirlari natijasida bank xizmatlari ofislari va ularning tasarrufidagi bank xizmatlari markazlari, valyuta ayirboshlash shoxobchalari, qolaversa, “Reception” yo‘nalishlarida faoliyat olib boruvchi xodimlarning mijozlarga o‘rnatilgan standartlar asosida xizmat ko‘rsatishi yuzasidan tahliliy maʼlumotlar taqdim etildi. Shuningdek, bu borada amalga oshirilishi kerak bo‘lgan jihatlarga ahamiyat qaratilib, zarur ko‘rsatmalar berildi.
Manba:
ko'rsatilmagan
/
Ko'rishlar:
590
