Yaqinda “Trastbank” xususiy aksiyadorlik bankining Bosh ofisida ishchi-xodimlar uchun o‘quv seminari bo‘lib o‘tdi. Unda poytaxtimizning Shayxontohur tumani Yong‘in xavfsizligi bo‘limi mas’ullari tomonidan yong‘inlarning oldini olish, “Yong‘inlar profilaktikasi kuni” tadbiri o‘tkazilishini tashkil etish, is gazidan zaharlanish va uning oqibatlari to‘g‘risida so‘z yuritildi.
Bundan tashqari, har qanday holatda ogoh bo‘lish zarurligi, ogohlik – davr talabi ekanligi ta’kidlanib, turli baxtsiz hodisalar, favqulodda holatlarda birinchi yordam ko‘rsatish borasida tushunchalar berildi.
Qolaversa, binoda mumkin bo‘lmagan nostandart elektr isitish vositalari va vaqtinchalik elektr tarmoqlaridan foydalanmaslik, hududdagi mavjud yong‘inning oldini olish asbob-uskunalarini asrash va joylarga jamlash, xonadonlarda tabiiy gazda ishlaydigan barcha moslamalarning xavfsizlik talablariga to‘liq javob berishi hamda sozligiga a’lohida e’tibor qaratish zarurligi ta’kidlandi.
Shuningdek, ishchi-xodimlar o‘zlarini qiziqtirgan savollarga batafsil javob olishdi.