“Trastbank” xususiy aksiyadorlik bankining Buxoro va Samarqand filiallarida Bosh bankning Bank apparati direktori S.Bekchanov va filiallar xodimlari ishtirokida “Ona tilim-faxrim, g‘ururim” hamda “Xat-hujjatlar va boshqa hujjatlarni lotin yozuviga asoslangan o‘zbek alifbosida davlat tilida ish yuritilishini ta’minlash” mavzusida amaliy seminar-trening tadbirlari tashkil etildi.
Unga ko‘ra, Til – davlat timsoli, mulki, ruhi, millatning madaniy va ma’naviy boyligi, xalqning madaniyati, urf-odati, uning turmush tarzi, tarixidir. 1989-yilning 21-oktabr kuni Vatanimizda davlat tilining huquqiy asoslarini belgilash bo‘yicha “Davlat tili to‘g‘risida”gi Qonun qabul qilinib, O‘zbek tiliga - Davlat tili maqomi berilganligi yuzasidan batafsil tushuntirishlar berildi.
