Firibgarlar ijtimoiy tarmoqlarda (Telegram, instagram va facebook'da) "Trastbank" nomidan soxta sahifalarni ochib, 10 foizli kreditlar berilayotgani va turli pulli yutuqlar tashkil etilayotgani haqida yolg'on ma'lumotlarni tarqatishmoqda.
Ularga aldanib qolganlarni o'zlarining soxta veb-saytlariga yo'naltirib, plastik kartalaridagi maxfiy ma'lumotlarni qo'lga kiritishmoqda va kartadagi mavjud pul mablag'larini yechib olishmoqda.
Hurmatli yurtdoshlar, qadrli mijozlar! Firibgarlar tuzog'iga tushib qolmang. Agar siz shu kabi shubhali xabarlarga duch kelsangiz zudlik bilan 1287 aloqa markazi va 71 207-36-45 ishonch telefoniga murojaat qiling. Shuningdek, ularga aldanib qolmaslik uchun ijtimoiy tarmoqlardagi rasmiy sahifalarimizga obuna bo'ling.
Aloqa markazi: 1287
"Trastbank" – ishonch bilan yuzma-yuz
