Joriy yilning 24-aprel kuni “Trastbank” xususiy aksiyadorlik banki bosh ofisida Chakana biznes departamenti va Oʻquv markazi hamkorligida oʻquv-seminar tashkil etildi.
Tadbir Amaliyot boshqarmasi hamda barcha filiallar ishtirokida “CISCO” tizimi orqali Chakana biznes yoʻnalishini rivojlantirish, joylardagi mavjud muammolar, ularni hal etish yoʻllari, bank xizmati sifati va samaradorligini oshirish boʻyicha taklif va mulohazalar muhokamasiga bagʻishlandi.
Oʻquv-seminarda Boshqaruv raisi oʻrinbosari Z.Kurganov, Chakana biznes va Plastik kartalar departamentlari xodimlari, Amaliyot boshqarmasi hamda barcha filiallar boshqaruvchilari oʻrinbosarlari, masʼul xodimlar ishtirok etdi.
—Tadbirda qayd etib oʻtilgan taklif va mulohazalar, xususan, bankomat va terminallar sonini oshirish, aholiga xizmat koʻrsatish sifatini yanada yaxshilash, TrustPay ilovasi imkoniyatlarini kengaytirish masalalarini chuqur tahlil qilib, tegishli xulosalar chiqarishimiz zarur, — dedi Boshqaruv raisi oʻrinbosari Z.Kurganov.Amaliyot boshqarmasi hamda filiallar xodimlari tomonidan koʻtarilgan masalalar, bildirilgan fikrlar bosh bankning masʼul xodimlari tomonidan belgilab olinib, zarur chora-tadbirlar ishlab chiqish uchun qabul qilindi.
